Arduino មានដើមកំណើតនៅវិទ្យាស្ថានរចនាអន្តរកម្មអ៊ីហ្វ្រេយ៉ា(Interaction Design Institute Ivrea, IDII)នៃប្រទេសអ៊ីតាលី ដែលនៅឆ្នាំ២០០៣ និស្សិតឈ្មោះ Hernando Barragán បានអភិវឌ្ឍន៍គម្រោងកម្មវិធីមួយឈ្មោះថា Wiring សម្រាប់និក្ខេបបទបញ្ចប់ថ្នាក់អនុបណ្ឌិតរបស់គាត់ ដោយពឹងផ្នែកលើ Platform មួយឈ្មោះថា Procesing។ ហើយបន្ធះសៀគ្វីដំបូងប្រើប្រាស់ ATmega168 microcontroller ជាខួក្បាល។ ដែលនិក្ខេបបទនោះមានចំណងជើងថា Arduino–La rivoluzione dell’open hardware បានន័យថា Arduino- បដិវត្តនៃ Hardware បើកចំហរ(នរណាក៏ប្រើបាន)។
 |
| Arduino IDE បច្ចុប្បន្ន |
នេះជាមូលហេតុដែលយើងតែឃើញពាក្យថា MADE IN ITALY នៅលើបន្ទះ Arduino។
 |
| ក្រុមអភិវឌ្ឍន៍ Arduino David Cuartielles, Gianluca Martino, Tom Igoe, David Mellis, and Massimo Banzi Photo Courtesy - Randi Klett/IEEE Spectrum |
ហើយឈ្មោះ Arduino នេះគឺបានក្លាយមកពីឈ្មោះបាមួយកន្លែងដែលស្ថិតនៅក្រុង អ៊ីហ្វ្រេយ៉ា(Ivrea) ប្រទេសអ៊ីតាលី ដែលបានោះមានឈ្មោះថា Arduin of Ivrea ។ បានេះជាទីកន្លែងដែលក្រុមអ្នកបង្កើត Arduino ដំបូងតែងតែជួបជុំគ្នាដើម្បីអភិវឌ្ឍន៍គម្រោងនេះឡើង។
 |
| បន្ទះ Arduino សម្រេចដំបូងគេ |
គោលបំណងចំបងក្នុងការបង្កើត Arduino ឡើងដើម្បីធ្វើអោយអ្នករៀន ក៏ដូចជាអ្នកប្រើប្រាស់មិនភាពងាយស្រួល(easy-to-use)ក្នុងការធ្វើគម្រោងរបស់ពួកគេ ជាងវិធីក្នុងការប្រើ microcontroller តាមបែបចាស់ៗ ដូចជាការសរសេរ assembly language ដែលត្រូវការចំនេះដឹងមូលដ្ឋានគ្រឹះច្រើន។ Arduino មិនមែនជា microncontroller ថ្មីនោះទេ វាត្រូវបានអភិវឌ្ឍន៍ជា C/C++ framework ដាក់ពីលើ Atmel 8-bit AVR microcontroller មួយចំនួន(ATmega8, ATmega168, ATmega328, ATmega1280, or ATmega2560) ដោយប្រាស់ Device Bootloader ដើម្បីឲ្យស្គាល់ជាមួយ Platform ថ្មី។
 |
| បន្ទះ Arduno UNO R3 ពីប្រទេសចិន |
Arduino ត្រូវបានបង្កើតឡើងជា Open Source microcontroller ទាំង hardware និង software ដែលអាចអោយនរណាក៏អាចប្រើប្រាស់បានយ៉ាងទូលំទូលាយដោយមិនគិតថ្លៃឡើង។
 |
| ការអភិវឌ្ឍន៍បន្ទះ Arduino ថ្មី (Credit to core-electronics.com.au) |
Arduino ត្រូវបានគេស្គាល់ច្រើនតាមរយៈបន្ទះសៀគ្វីសម្រាប់រៀន ឫអភិវឌ្ឍន៍គម្រោងដំណាក់កាលដំបូង (Development Board) ដែលបង្ករអោយមានការយល់ច្រឡំថា Arduino ជាបន្ទះសៀគ្វីស្រាប់។ តាមពិតទៅ Arduino គឺស្ថិតនៅក្នុងឈីប(Atmel 8-bit) ដែលគេបានកំណត់ Bootloader និងសៀគ្វីដែលត្រូវការមួយចំនួនដើម្បីដំណើរការបាន។
 |
| Arduino UNO with ATmega328P |
ឧទាហរណ៍៖ Arduino UNO = ATmega328 + (Crystal 16M, Capacitor 22uF ពីរគ្រាប់)។
 |
| Controller board base on Arduino |
ការប្រើប្រាស់ Arduino គឺអាចប្រើប្រាស់បានច្រើននឹងទូលាយ មិនមែនគ្រាន់តែរៀនដោយការប្រើប្រាស់ខ្សែដោតជាមួយគម្រោងតូចៗនោះទេ។ វាក៏អាចប្រើប្រាស់បានជាមួយម៉ាស៊ីនធំៗ ឫប្រព័ន្ធឥតខ្សែដែលអាចធ្វើអោយមានការសន្សំសំចៃថវិការ ក៏ដូចជាពេលវេលាមួយចំនួនធំ។
យ៉ាងណាវិញ Arduino មានសមត្ថភាពមានដែនកំណត់ បើធៀបទៅនឹង ARM 32-bit controller ដែលអាចដំនើរការបានលឿន និងច្រើនជាង។ បើធៀបនឹងភាពងាយស្រួលវិញគឺ Arduino មានភាពងាយស្រួលជាង ដោយសារមាន Library ស្រាប់ដែលបានមកពីអ្នកប្រើប្រាស់ជុំវិញពិភពលោកចែករំលែកគ្នាទៅវិញទៅមក។
